Ang bag-ong pangulo sa 303rd Infantry Brigade sa Philippine Army nipasalig nga ilang palig-onon ang pakigtimbayayong sa mga sakop sa local nga media pinaagi sa paghatag og igsaktong kasayuran.
Ang commander of the 303rd IB nga si Col. Francisco Delfin atol sa pakighinabi sa mga sakop sa media nahinagop sa maayong relasyon tali sa media. Usa ka fellowship dinner sa mga sakop sa media nga gipahigayon sa lungsod sa Sibulan niadtong Enero 29.
Dugang ni Col. Delfin nga iya na gitukod ang Public Information Office nga maoy magsilbing taytayan sa mga sakop sa media nga makakuha og kasayuran.
Ang Commanding Officer sa army niklaro sa kamahinungdanon sa maayong relasyon tali sa army ngadto sa mga sakop sa media ilabi na sa pagpadayon sa kampanya sa kahusay og kalinaw sa lalawigan.
Si Juancho Gallarde kinsa maoy kasamtangan nga Presidente sa Dumaguete Press Club nipasalig sa suporta sa local media labi na ang pagtabang sa mga sakop sa Philippine Army. Gi-awhag usab niini ang mga kasundaluhan sa paggamit sa modernong kahimanan sama sa cellphone o social media aron dali nga maabot sa media ang kasayuran nga mahatud sa mga katawhan.
Kini nga hagit positibo usab nga gisanong ni Col. Delfin.
