Gibisita ni Cong. George Arnaiz ang duha ka bag-ong nahuman nga dike control sa Banica River sa Barangay Batingue lakip usab ang river control nga nahimutang atbang sa Las Palmas sakop gihapon sa barangay Batiguel.
Ang nasangpit nga proyekto sa river control mokabat kini og 4 milyones ka pesos ug gibahin kini sa duha nga tag 2 milyones pesos.
Sumala ni Congressman George Arnaiz gisabutan sa buhatan sa 2nd engineering district sa DPWH pinanguluhan ni Engineer Ricardo Duran nga bahinon sa duha ang proyekto.
Sa wala pa matapos ang maong river control gisusi una kini ni Congressman Arnaiz sa maong mga proyekto niadtong mga naghinapos ang bahin sa bulan sa Enero ning tuig 2016, ug nakita niini nga gamay na lang ang trabahuonon sa maong proyekto.
Gikatakda na usab ang pag inagurar sa maong river dike control niining pipila ka mga umaabot nga mga adlaw uban sa mga barangay officials sa Batinguel nga gipanguluhan ni Kapitan Nick Ramirez ug mga tinugyanan sa DPWH, 2nd engineering district pinanguluhan ni district Engineer Ricardo Duran.
