Laing duh aka mga pasidungog ang nadawat sa dakbayan sa Dumaguete ubos sa pagpangulo ni Mayor Manuel Sagarbarria. Kini nga pasidungog dugang kini sa na-unang 37 ka mga pasidungog nga nadawat gikan sa national og rehiyonal nga ahensiya sa gobyerno.
Bag-ohay lang gidawat ni Mayor Manuel Sagarbarria ang pasidungog gikan sa National Dairy Authoritysa buhatan sa Department of Agriculture region 7 sa Cebu City. Gidawat sa Mayor ang plaque of appreciation human sa malamposon nga programa sa kabataan nga gitawag og “Milk Feeding Program” diin nakahatag kini pagkunhod sa malnutrition rate dinhi sa dakbayan.
Ang maong pasidungog gihatag kini sa NDA niadtong Marso 11,2016 didto sa Cebu City.
Samtang,gidawat usab ni Mayor Manuel Sagarbarria ang laing pasidungog nga gitawag og Yantok Award gikan sa mga organizer sa Filipino Martial Arts World Festival nga gipahiayon dinhi sa lalawigan sa Negros Oriental.
Matud ni Ike Villaflores ang City Sports Coordinator sa dakbayan sa Dumaguete nga atoll sa gipahigayon nga 8th Filipino Martial Art World Festival nga gipahigayon ang awarding sa usa mga resorts sa lungod sa Dauin.
Si Mayor Manuel Sagarbarria ang nagsuporta gayud sa maong kalihukan,diin nalipay usab ang mga partisipanti niini nga nagagikan sa nagkalaing dapit sa atong nasud nga ni niapil sa Arnis.
Matud ni Mayor Sagarbarria nga dakbayan sa Dumaguete ang magpadayon usab kini pagdawat og mga pasidungog, kini maoy tima-ilhan nga nakita ang pagserbisyo sa mga opisyalis sa Dumaguete.
Gipasalamat usab ni Mayor Manuel Sagarbarria ang tanan gikan sa mga opisyalis sa dakbayan, city hall employees,barangay officials, og mga katawhan sa dakbayan sa Dumaguete sa pagsuporta aron maangkon ang kalamposan sa Dumaguete.
