Nikabat sa 29 ka mga kandidato ang ni-file sa ilang Certificate of Candidacy sa dakbayan sa Dumaguete kinsa buot magpapili sa piniliay sa Mayo 2016. Kini ang total nga gidaghanon sa mga kandidato nga nisang-at sa ilang COC sa buhatan sa Commission on Elections sa dakbayan sa Dumaguete.
Sumala ni City election officer Atty. Gildu Agoncillo nagkanayon nga kuwalipikado ang tanang kandidato ug sa iyang tan-aw walay mga gitawag ug ”nuisance candidate” o mga kandidato nga nagsamok-samok lang sa elekyon. Nakita usab niya nga halos tanan mga professionals ug mga kasamtangan nga mga opisyales sa siyudad, sa barangay, abogado ug mga negosyante.
Basi sa talaan sa COMELEC , upat lamang ang nilansar sa pagka-mayor sa dakbayan sa Dumaguete diin kini naglakip nila ni incumbent Vice Mayor Woodrow Maquiling, Sr. ilalom sa Nationalist Peoples Coalition (NPC), Quirino Ramirez (Independent), Mercedarius “Dindo” Generoso (Independent) ug si Atty. Felipe Antonio Remollo (PDP-Laban).
Sa pagka-bise mayor tulo ang nisang-at sa ilang kandidatura ngna naglakip nila ni incumbent Councilor Franklin Esmena, Jr. (NPC), Councilor Antonio Johnson “Tony Rems” Remollo (LP) ug Nelson Awid Layague (Independent).
Sa pagka-konsehal nikabat sa 22 ka mga kandidato ang nisang-at sa ilang kandidatura diin naglakip nila ni Estanislao Alviola (Ind), Atty. Joe Kenneth Arbas (LP), Atty. Manuel Arbon (LP), Junob Barangay Kapitan Isagani Bana (Ind), Liga ng mga Barangays president Lionel Banogon (NPC), Peter Catan (NPC), Pulantubig barangay kapitan Ramil Cornelia (Ind), Atty. Samuel Dicen (NPC), Leovigildo Elmaco (NPC), Atty. Melissa-Erames Tuballa (NPC), Jose Victor Imbo (NPC), Danilo Teves Leon (NPC), Pob. 8 barangay kagawad Maelyne Rose Mariano (Ind), Manuel Nelson Patrimonio (NPC), Agustin Miguel Perdices (LP), Lilani Ramon (LP), Calindagan barangay kapitan Manuel Sagarbarria (NPC), former SK Federation president Atty. Karissa Faye Tolentino, (LP), Virgilio Zerna (Ind), kanhi vice mayor Alan Gel Cordova (LP), Atty. Michael Bandal (LP), ug kanhi Bajumpandan barangay kagawad Reu Ismil kinsa maoy katapusan nga ni-file sa iyang COC.
Ang dakbayan sa Dumaguete adunay sobra 77,000 registered voters diin 4,000 niini ang wala pay biometrics.
Samtang sa dakbayan sa Tanjay napulo ka mga kandidato ang nikandidato sa pagka-mayor, lima sa pagka-bise mayor ug 49 ka mga buot magpapili nga konsehal nga siyudad.
Ang mga kandidato sa pagka-mayor mao sila si kanhi vice mayor Nilor Rosales Tam (Ind), Councilor Reynaldo Setenta Concepcion (KBL), Gegorio Gutib Limatoc (Ind), Vice Mayor Jose “Pepe” Torres Orlino (NUP), former mayor Arturo Salma Regalado (Ind), kanhi vice mayor Neil Teves Salma (LP), Engr. Eduardo “Bebot” Reyes Tabaloc (PDP-Laban), councilor Dr. Rolando Rafols Tabaloc (Ind), Joel Rosales Tam (Ind) ug Councilor Steve Solis Teves (Ind).
Sa pagka-bise Mayor mao sila si Councilor Juanito Condes (Ind), Ferdinand Buot Jayson (Ind), Atty. Aldo Amistad Munoz (Ind), Councilor Uldarico Arroz Ramirez III (NUP), ug incumbent mayor Lawrence Solis Teves (NPC).
Ang dakbayan sa Tanjay adunay 47,000 ka mga total registered voters.
Sumala ni Tanjay city election officer Atty. Ian Macaraya ang gidaghananon sa mga buot magpapili nagpakita nga daghan ang buot mopa-ambit sa ilang serbisyo sa siyudad.
Gidasig ni Atty. Macaraya ang mga Tanjayanons sa pagtuman sa ilang katungod nga mopili sa ilang buot mahimong leader sa siyudad.
