Ang buhatan sa City Health Office, mopahigayon og mass disinterment sa tanang bukog sa tawo nga gilubong dinha sa sam-ang sa Bagacay sugod karong bulana.
Matud ni City Health Officer Dr. Ma. Sarah Talla, nga mga tagtungod maoy mokuha sa mga bukog unya ibalhin dinha sa bone chamber subay kini sa planu sa syudad nga ipahimutang og maayo ang mga lubnganan, mga pantiyon, pinaagi sa pagpahigayon og renovation.
Apan giklaro ni Doctora Talla nga ang ibalhin nga mga bukog kadto lamang nalubong og lima ka tuig, pataas, walay labot ang mga tawo nga nalubong wala pay lima ka tuig ang gidugayon.
Gi-awhag ni Talla kadtong mga tagtunogd nga sa dili pa ninyo balhinon ang bukog pakigkita sa City Health Office alang sa dugang kasayuran.
Ang renovation gipanghinaut sa city health office nga mahuman karong tuiga 2015. (Syril Repe)
