Aron mogiya ug moproteher sa mga kabataang Pilipino sa paggamit sa internet, ang Department of Education kauban ang Stairway Foundation nilusad ning bag-o lang sa CyberSafe Project Manuals, nga nagsulod og individual lesson plans nga nag-target sa mga tinun-an sa Grades 5 ngadto 6 ug Junior High School.
Ang maong manual naghisgot sa online privacy ug sa risgo sa mga estudyante nga gi-atubang niini sama sa cyber bullying, sexting ug child pornography.
Nagtinguha kini sa pagpalambo sa kapasidad sa mga estudyante nga magpabiling luwas gikan sa online child abuse ug mag-edukar usab sa mga magtutudlo ug mga ginikanan kalabot sa online safety.
Matud pa ni DepEd Kalihim Armin Luistro, 9 sa 10 ka estudyanteng Pilipino ang naggamit sa internet.
“Mahalaga ang manual na ito para magkaroon sila ng kaalaman at mahalaga din dito ang role ng mga magulang sa pag-agapay sa mga bata,” matud pa ni Luistro.
Samtang si Lars Jorgensen, Executive Director of Stairway Foundation miingon nga krusyal gayud ang papel sa mga ginikanan sa pag-promot sa online safety sa kabataan.
Ang maong manual mahimong ma-download sa www.deped.gov.ph. (PIA News)
