Human sa taas nga panahon pagpa-abot, gibuksan na sa Department of Foreign Affairs ang ilang regional consular office sulod sa Robinsons Mall dinhi sa dakbayan sa Dumaguete niadtung adlawng Lunes.
Ang kasamtangan nga buhatan sa sulod sa Robinsons Place makahimo sa pagserbisyo sa 50 ka mga aplikante alang sa passports matag adlaw sumala ni DFA Regional Consular Officer sa Regiona 18 Tita Rebollos.
Ang pagpahimutang sa DFA Office sa Dumaguete tubag kini sa dugay na nga hangyo sa mga taga Dumaguete. Gani human gi-announce nga mo-abri sila ug buhatan sa Dumaguete daghan kaayo silang nadawat nga mga follow-up gikan sa mga leaders sa dakbayan sa Dumaguete ug lalawigan sa Negros Oriental.
Ang pagbukas sa buhatan makatabang kaayo kini nga maminosan na ang gasto sa mga buot mo-process sa ilang passport kay dili naman sila kinahanglan mobiyahe paingon sa Bacolod o Cebu City.
Giklaro ni Rebollos nga soft opening pa lang hinungdan nga limitado lang una ang ilang mahatag nga transaction ug militado ang gidaghanon sa ma-serbisyohan.
