Patay na nidangat sa balay tamabalanan sa Bayawan district hospital ang usa 25-anyos nga ulitawo human ang iyang motorsiklong gimaneho wala mabalanse atol sa iyang pagliko sa kurbada sa Barangay Banga, Bayawan City.
Giila sa kapolisan sa Bayawan City ang biktima nga si Julimer Maasin,taga sitio Badiang,Barangay Nangka, Bayawan City.
Basi sa imbestigasyon sa kapolisan nga biktima sakay sa iyang motorsiklo paingon sa Bayawan City pag-abot sa liko-onon nga bahin sa barangay Banga naapiki ang iyang pagliko hinungdan nga wala mabalanse ang iyang gisakyan og nabalintong. Tungod sa maong panghitabo nalagpot ang biktima sa iyang gisakyan unya ang iya ulo napantok sa sementong dalan.
Ang biktima gidali kini pagdala sa Bayawan district hospital apan patay na kini nidangat sa maong tambalanan.
Samtang sa laing bahin, gipasakaan na og kasong Reckless Imprudence Resulting to Homicide batok sa driber sa truck nga nakaganod sa usa ka motor sa Barangay San Miguel sa Bacong.
Sa imbestigasyon sa kapolisan ang Honda Beat color itom gipanag-iya og gimaniho ni Hilton Jazz Tinambacan , 27 taga Barangay Albiga,lungsod sa Siaton. Ang maong Motorsiklo naganod kini sa usa ka Isuzu UV Crosswind nga gipanag-iya og gimaniho ni Andres Superio Tindoc, 56, Menyo, taga Barangay San Miguel sa lungsod sa Bacong
Dugang sa kapolisan nga biktima kalit nga mi-overtake sa sakyanan og sa kalit lang naigo og naganod ang motor sa ligid sa luyong bahin sa maong track hinungdan sa kamatayon sa biktima.
