Ang kagamhanang lokal sa dakbayan sa Dumaguete nihatag ug napulo ka mga handheld radio sa Dumaguete PNP. Si Mayor Manuel Sagarbarria maoy nangunay sap ag-turn over sa d napulo ka mga handheld radio ngadto sa mga sakop sa kapolisan sa Dumaguete.
Sumala ni Mayor Sagarbarria ang paghatag ug ayuda sa kapolisan alang sa pagtubag sa panginahanglan aron makahimo sila sa serbisyo sa katawhan alang sa hapsay ug malinawon nga dakbayan.
Gani ang kagamhanan sa siyudad gikatakda nga mopalit ug duha ka sakyanan nga dugang magamit sa kapolisan alang sa pagpalig-on sa mobile patrol.
Si Police Supt. Jovito Atanacio nitunol sa iyang dakong pasalamat ngadto ni Mayor Sagarbarria sa dugang ayuda sa kapolisan ug pagtubang sa ilang mga panginahanglan sa kuerpo sa kapulisan sa dakbayan.
Gipasalamatan usab ni Supt. Atanacio si Mayor Sagarbarria sa pagpagamit sa iyang oficial nga sakyanan sa Mayor nga dunay plate number 111 nga ila na karon gigamit sa pagpatrolya sa kadalanan palibot sa dakbayan.
