Ang Mayor sa Davao nga si Rodrigo Duterte og si Mayor Manuel Sagarbarria nagtandi-anay sa mga programa nga gihimo sa tagsa-tagsa nila ka mga syudad.
Atol sa ilang paghimamat ni Mayor Sagarbarria og Davao Mayor Duterte niadtong Pebrero 11, usa sa gituki nila mao ang problema sa pagkuyanap sa illegal drugs dinhi sa Dumaguete.
Matud ni Duterte, didto sa Davao dako og natabang ang mga CCTV cameras nga gipalibot sa syudad nga nagmonitor dili lang sa mga criminal activities kon dili lakip na usab ang traffic violations.
Dugang ni Duterte nga matingala na lang ang nga drivers panahon sa renewal sa ilang registrtation nga adunay silay balayran isip multa sa mga kalapasan nga narecorded sa CCTV cameras.
Apan dinhi sa Dumaguete, sukwahi ang nahitabo sanglit possibilidad nga makahulam sa banko ang syudad aron ipalit og CCTV cameras.
Matud ni Mayor Sagarbarria, bisan kon kumpleto ang ilang mga papeles, dili gihapon mohatag og clearance ang Commission on Audit busa gihangyo ang City Council nga imbes mohulam sa banko gamiton na lang kaugalingon pundo sa syudad aron i-anam-anam pagpalit og CCTV cameras.
Sa laing bahin, susama sa syudad sa Davao, numero unong kontra ni Mayor Sagarbarria mao ang illegal drugs.
Apan managlahi ang mga pamaagi nila pagsumpo sa drug menace, didto sa Davao, giwarningan ni Mayor Duterte lakip na ang pulis nga mag-apil-apil sa bisyo nga iyang pamatyon.
Dinhi sa Dumaguete, gihingusgan ang prevention nga aspeto pinaagi sa program nga gipasiugda sa City Anti Drug Abuse Council sa pagpangulo ni Leo Macalipay isip executive director, aron mapakgang ang pagsulod sa supply dinhi sa syudad.
Kon makasulod, walay puas nga operasyon gilusad sa pulis aron sila mahipos, kihaan, patubagon sa korte hangtud makonbikto, matud ni Mayor Sagarbarria.
