Dul-an usa ka libo ka mga pamilya ang nakapahimulos sa duha ka dagkong Medical and Dental Mission, lakip usab pagpanaod ug ariyos sa mga kabataan nga babaye sa barangay Calindagan ug Cadawinonan.
Ang nasangpit nga Medical and Dental Mission ang gipahan-ay kini ni Mayor Manuel Sagarbarria pinaagi sa buhatan sa City Health Office sulod sa 30 ka barangayan sa syudad,diin ang maong kalihukan gipaluyohan usab ni 2nd District Congressman George Arnaiz sa iyang programa Medical Mission extension program nga gipadala usab niini ang medical doctors aron motabang sa mga doctors sa buhatan sa City Health Office.
Atol sa maong kalihukan nitambong sila si Mayor Manuel Sagarbarria, Congressman George Arnaiz, Vice- Gov. Mark Macias,Vice-Mayor Woodrow Maquiling, City Councilors Danilo Leon, Peter Catan,Nelson Patrimonio, Franklin Esmena, Barangay Calindagan Captain Chaco Sagarbarria, Atty. Sammy Dicen, Loloy Elmaco ug Tenchu Perdices ug uban pang kauban sa grupo.
Unang gipahigayon ang Medical ug Dental Mission sa barangay Calindagan niadtong adlaw’ng Lunes diin ang mga lumolopyo sa maong lugar nakapahimulos sa libreng check up, tambal, tuli sa mga batang lalaki, ibot ug ngipon, laip usab pagpanaod og ariyos sa mga kabataang babaye.
Samtang, dako usab ug kailipay ang mga lumolopyo sa Barangay Cadawinonan pinaagi sa pagpangulo ni kapitan Gilieta Josy Binondo og mga opisyalis sa maong barangay nga nakapahimulos sa maong kalihukan.
Matud ni Mayor Manuel Sagarbarria nga maong kalihukan nahan-ay kini karong tuiga diin ang buhatan sa City health maoy mopili kon unsa barangaya isunod, kinsa gisugdan kini atoll sa iyang paglingkod iisp Mayor sa dakbayan sa tinguha niini nga masusi ang panglawas sa lumolopyo sa dakabayn.
Gipasalamatan ni Mayor Sagarbarria si Congressman George Arnaiz sa pag-abag sa medical mission sa dakbayan, lakip usab sa ubang programa sa syudad.
