Ang anak ni Mayor Manuel Sagarbarria nga si Barangay Calindagan Captain Manuel “Chaco’ Sagarbarria ang nagpahigayon kini ug feeding program sa mga kabataan sulod sa 30 ka barangay sa dakbayan,diin ang maong programa gisuportahan kini sa scooby’s ug sansrival diin gipanag-iya sa ilang pamilya.
Niadtong adlaw’ng Lunes Enero 11, atoll sa medical mission iya usab gihatagan ug pagkaon ang dul-an 200 ka buok mga kabataan sa barangay Calindagan, diin pagkahapon ang dul-an 200 ka buok mga kabataan sa barangay Junob.
Samtang niadtong adlaw’ng Martes dili usab mominus 300 ka mga kabataan ang nahatagan ug pagkaon sa Balugo Habitat-1.
Atol sa maong kalihukan diha sa barangay Balugo gitambongan usab kini ni Mayor Manuel Sagarbarria, Congressman George Arnaiz, Vice-Governor Mark Macias, Vice-Mayor Woodrow Maquiling, Councilor Nilo Sayson, Atty. Sammy Dicen, lakip usab mga opisyals sa barangay Balugo.
Matud ni Kapitan Chaco Sagarbarria nga kining programaha dugay na kini gisugdan diin tipik kini kabahin sa sosyal responsibility sa ilang kompaniya.
Gipasalamatan usab ni Kapitan Sagarbarria si Mayor Manuel Sagarbarria, ang iyang inahan nga si First Lady Maisa Sagarbarria ug lakip usab ang iyang asawa nga si Farah Sagarbarria kinsa kanunay kini nagsuporta sa iyang programa.
Dugang ni kapitan Sagarbarria nga maong programa usa kini sa iyang tutukan sa konseho sa dakbayan, kinsa magpapili siya pagka Konsehal karong Mayor 9 nga election ubos sa linyada ni Vice-Mayor Maquiing, kinsa magpapili pagka Mayor sa dakbayan, kaabag ni numero uno nga Konsehal Franklin Esmena nga modalagan ug Vice-Mayor,diin nagsuporta usab ni Mayor Manuel Sagarbarria nga magpapili usab ug Congressman sa ikaduhang distrito sa lalawigan sa Negros Oriental.
