Libo-an ka mga pamilya ang nakapahimulos sa duh aka dagkong Medical and Dental Mission nga gipahigayon sa dakbayan sa Bayawan ug lungsod sa Pamplona.
Ang nasangpit nga Medical and Dental Mission gipaluyohan kini nila ni 2nd District Cong. George Arnaiz, 3rd District Cong. Pryde Teves ug Board Member Arnie Teves.
Nisuporta usab sila si Bayawan City Mayor Pempo Martinez, Pamplona Mayor Apollo Arnaiz.
Atol sa maong kalihukan nitambong sila si Vice Gov. Mark Macias, Dumaguete City Mayor Manuel Sagarbarria, Sibulan Mayor Emmanuel Diputado ug mga sakop sa Philippine Army.
Unang gipahigayon ang Medical ug Dental Mission niadtong Nov. 27 didto sa Barangay Maninihon sa dakbayan sa Bayawan diin gitambungan nila Congressman Georg Arnaiz, Congressman Teves, Board Member Arnie Teves ug Mayor Matinez.
Ang maong Medical and Dental Mission nahimo kini nga nagmalampuson pinaagi sa suporta sa mga Medical Doctors ug Dentist gikan sa pribado ug pampublikong tambalanan dinhi sa lalawigan.
Samtang didto sa lungsod sa Pamplona nagkadaiyang serbisyo usab ang gitunol sa mga katawhan sa maong lungsod.
Ang mga barangay nga nakapahimulos sa maong mission mao ang Barangay Abante, Datagon, Banawe, barangay Magsusunog ug barangay Malubog.
Ang mga serbisyo naglangkob sa pagpangibot sa ngipon, libreng check-up, tuli, paghatag ug libreng tambal ug mga bitamina, libreng pagpanaud ug mga ariyos sa mga kabataang babaye, masahe ug alot.
Laing nakahan-ay nga mga Medical and Dental Mission gipahigayon karong Disyembre 4 sa Barangay Amio sa lungsod sa Sta. Catalina, Disyembre 5 sa Barangay Maayong Tubig sa lungsod sa Dauin. Samtang gipangandaman na usab ang schedule unya nga series sa medical dental mission didto sa unang distrito ning lalawigan sa Negros Oriental. (SGR)
