Ang buhatan sa Land Transportation Office ( LTO) inabagan sa Highway Patrol Group (HPG) nga nagbasi sa Negros Oriental diin magsugod na sa ilang pagpanakop sa mga sakyanan nga walay mga rehistro , lakip usab dakpon ang motorsiklo nga walay rehistro ug uban pang mga wala mga papalis
Matud ni Eduardo Adalid ang Inspector ug Licensing in charge sa LTO Dumaguete nagkanayon nga Istrikto karon ang buhatan sa LTO sa pagpanakop sa mga sakyanan nga kolorum.
Dugang ni Adalid nga kadtong mga motorsiklo nga gipang-usob ang muffler nga nakamugna sa kasaba ug madakpan adunay multa, o bisan unsa nga bahin sa motorsiklo ang usbon o tangtangon,makabayad ug multa nga dili mominos sa 5000 pesos.
Subay niini nipahimangno si Adalid sa tanang mga nanag-iya ug sakyanan ug motorsiklo nga kinahanglan kompleto ang ilang papeles unya dili modified ang ilang sakyanan nga walay pagtugot sa LTO.
Paghugtan na sa LTO ug sa HPG ang ilang kampanya pinaagi sa pagpahigayon ug mga check point sa mga nagkalain-laing mga dalan sa Negros Oriental.
Kadtong adunay mga sakyanan nga kulang sa papeles, ang pahimangno ni Adalid nga dili una kini gamiton haron dili makasugamak sa penalty kon madakpan atol sa check point.
