Gipaila-ila na sa publiko ang mga magtige alang sa Mr. and Miss NORSU 2016 pinaagi sa usa ka Press Conference atubangan sa mga sakop sa local media diin kini gipahigayon sa NORSU gymnasium.
Mokabat sa 12 paresan diin nag-represent kini sa mga colleges ug campuses sa NORSU. Ang mga kandidata nagkagikan sa nagkadaiyang mga campuses nga naglangkob sa Bayawan-Sta.Catalina Campus, Siaton Campus,Pamplona,Bais, Mabinay, Guihulngan og ang main campus sa Dumaguete City.
Atol sa maong higayon gipadayag sa matag paresan ang ilang mga adbokasiya ug baruganan sa mga isyu nga may labot ang komunidad.
Ang 12 ka paresan mao sila si Cyd Nathalie Lomotos og Jude Sandel Zurbito,Marisol Rosillo og Francis Jay Baldado, Leistor Jane Decinal og Jakelle Emmanuel Abing, Wayne Abano g Marcial Cofina, Caryl June Alfoque og Teodor Anthony Saycon,Angelica Dingcong og Glenn Eugene Gloria, Charlene Futalan og Febb Gutang,Ma. Fe Zuniega og Melvin Ray Yurong, Joana Marie Tangeres og John Arthur Sarahina, Immae Grace Sarao og Neil Sumingit, Mary Pauline Paltingca og Jomel Credo, Michelle Teves og Johann Sammuel Teves.
Ang mga sakop sa media nipili usab sa Darling ug Man of the Press nga ihatag unya ang award atol sa coronation night karong Disyembre 1.
Ang NORSU mosaulog sa ila ika-108th anibersaryo diin ubay-ubay sa mga kalihukan ang gihan-ay nunot sa maong kasaulogan. Gilauman usab nga tambungan ang mga kalihukan sa mga alumni gikan sa Negros Trade School, EDSAT, CVPC og karon NORSU.
Ang kalihukan magsugod Novembre 27 hangtud Disyembre 4. Matud ni Dino Depositario ang mga kalihukan gisuportahan sa Student Government sa NORSU ubos sa pagpangulo ni Vince Villanueva.
