Gibuksan sa Department of Trade and Industry ang ika 107 Negosyo Center sulod sa City Hall sa dakbayan sa Dumaguete. Nitambong sa pagbukas mao ang mga kadagkuan sa DTI, mga negosyanti, Mayor Manuel Sagarbarria, Vice Mayor Woodrow Maquiling, City Administrator William Ablong, DTI Provincial Director Javier Fortunato ug Atty Froilan Pinili Assistance Provincial Administrator.
Ang Negosyo Center nahimugso pinaagi sa balaod nga gipangamahanan ni Senador Bam Aquino nga gitawag og Go Negosyo Act. Kini nahimong balaod niadtong bulan sa Hulyo sa nakalabay’ng tuig og ni-epekto sugod sa bulan sa Enero karong tuiga.
Ang tumong sa Go Negosyo Act mao ang paghatag ug higayon sa mga kabus nga maka-negosyo bisan sa ginagmay. Kini gipaluyohan sa DTI diin usa sa tumong niini nga makahatag ug higayon sa panarbahuan.
Sa mensahe ni Mayor Manuel Sagarbarria, dako ang iyang kalipay nga napili ang syudad sa Dumaguete isip usa sa gipahimotangan as Negosyo center sa tibuok nasud. Dili pa lang dugay gibuksana ng unang negosyo center diha sa buhatan sa DTI diin gitambongan ni Senador Cynthia Villar.
Matud ni Sagarbarria nga haom og tukma nga sulod sa city hall gipahimotang ang Negosyo Center diin sayon ang paghikay sa papeles ug mao usab kini ang sentro sa komerso..
Samtang, gipasidunggan usab sa buhatan sa DTI ang mga kompaniya nga gitawag og Bagwis award nga naglakip sa Toyota Dumaguete, Robinsons Supermarket Corp.(Perdices St.),Toyota Dumaguete, Fast Autoworld Phil. Corp (Mitsubishi Motors)Sibulan, Hyundai Cebu Inc. Negros Oriental Arts and Heritage (NOAH) gidumala nila Romulo Yee diin gidawat ni Marjorie Yee Dejaresco.
