Ang buhatan sa National Food Authority dinhi sa lalawigan sa Negros Oriental nipasalig nga adunay igong supply sa bugas diin matud pa sa PAGASA nga makasinati ta ug taas nga kainit sa panahon.
Matud pa sa bag-ong NFA Provincial Manager nga si Hilaria Ganzon nga ang ilang buhatan adunay 37,581 ka sako nga bugas nga NFA diin naa kini sa ilang warehouse nga nahimutang dinhi sa Dumaguete ug dakbayan sa Guihulngan.
Si Ganzon nihulip ni kanhi Carlos Cortes kinsa nadistino na karon sa NFA-Siquijor nga maoy Provincial Manager as maong isla.
Dugang ni Ganzon nga iyang padayonon ang gisugdan nga programa sa kanhi administrasyon, lakip usab magpadauon sila as ilang monitoring sa 287 NFA-accredited retail outlets dinhi sa Negros Oriental.
Dinhi sa Dumaguete ang matag retail outlet adunay alokasyon nga mokabat sa 205 ka sako matag semana nga gipahimutang, samtang ang Bigasan ng Bayan outlets adunay gigahin nga 40 ka sako.
