Ang buhatan sa PAG-IBIG Dumaguete Branch nagpadayon sa ilang kampanya sa matag usa nga dili pa miyembro dinhi sa lalawigan sa Negros Oriental.
Basi sa record sa buhatan sa PAG-IBIG nga dunay dili mominus 30,000 ka mga employers dinhi sa Negros Oriental, apan 1,600 ra ang nibayad isip counter part sa ilang mga trabahante.
Matud ni Julio Carmelo Alfarero, PAG-Ibig Dumaguete branch manager, nga sa report nga ilang nakuha basi sa mga business permits sa mga local government units nga adunay 30,000 ka mga employers dinhi sa lalawigan.
Dugang ni Alfarero nga sa pagakakaron padayon nilang gi-awhag ang mga employers sa pagsanong sa ilang panawagan sa pagpamembro sa ilang mga empleyado aron usab maka benipisyo sa programa sa PAG-IBIG, diin padayon usab nila karon ang pagpalapad sa kampanya aron mabalo usab ang wala pa mamembro.
Gikan sa bulan sa Enero hantud bulan sa October karong tuiga, Ang Pag-IBIG Dumaguete adunay 98 percent sa ilang accomplishment sa collection nga mokabat P138.2 ka million diin ilang target nga collection nga mobalor sa P139.4 ka million gikan sa ilang membro nga mokabat tanan ug 61,000 ka membro gikan sa Negros Oriental ug Siquijor.
