Si Dumaguete City Mayor Manuel Sagarbarria nanguna sa pagbukas sa Pasko sa Dumaguete 2015. Kauban nga niduyog sa pagbukas sa kasaulogan mao sila si Bise Mayor Woodrow Maquing, Bishop Julito Cortes sa Diocese sa Dumaguete, City Tourism Officer Woodrow Maquiling, Councilor JV Imbo, mga membro sa City Tourism Council og mga stakeholders sa dakbayan.
Si Bishop Julito Cortes nihatag usab sa iyang mensahe alang sa mga katawhan sa dakbayan niining pagpangandam alang sa pagsaulog sa adlaw sa Pasko. Subay niini usa ka awit ang gihalad ni Bishop Cortes isip pagpadayag sa iyang pagtimbaya ug mensahe sa Pasko.
Dungan sa pagbukas sa Pasko sa Dumaguete gipahigayon usab ang 1st Dumaguete Christmas Choir Competition diin gisalmotan sa Silliman University Campus Choristers nga nikanta sa Carol of the bells og Munting Sanggol diin gipangulohan sa conductor nga si Mark Ian Caballes; DepEd Dumaguete Children’s Choir nga nikanta sa O Holy Night og Kumukutikutitap diin ilang conductor si Ms. Ail Myrrh Yap ; Couples for Christ Provincial Music Ministry Choir diin nikanta usab sa Holy Night og Munting Sanggol uban ang ilang conductor nga si Mr. Vevencio Abueva ; Joyful Noise Singers sa United Church of Christ of the Philippines kinsa niawit sa Jingle Bells through the Ages og Kumukutikutitap, diin ilang conductor si Ms. Emm Paque : Foundation University ABUHUNI Choir nikanta usab sa A wish on Christmas Night ug Gloria in Excelsis Deo, ang conductor Mr. Alan Bana ; Coro De San Antonio Sibulan niawit usab sa Love is the meaning of Christmas og Ania Kami diin ang conductor mao si Ronald Rio.
Ang Silliman University Silliman University Campus Choristers maoy nidaog sa unang dapit kinsa nakakuha sa P20 mil ka pesos og trophy; ikaduhang dapit Foundation University ABUHUNI Choir kinsa nidawat sa P15 mil ka pesos og trophy, samtang ikatulong dapit ang Coro de San Antonio Sibulan diin nidawat sa P10 mil ka pesos og trophy.
Ang wala nakadaog nga naglangkob sa DePed Dumaguete Children’s Choir, Couples for Christ Provincial Music Ministry Choir, Joyful Noise Singers kinsa nakadawat og P5 Mil ka pesos matag usa isip consolation prize.
Samtang ang mga hororado karong tuiga sa 1st Dumaguete Christmas Choir Competition mao sila si Superio Tumongha, Jay Cyrus Villanueva og Rosario Saavedra.
Ang batan-on nga mang-aawit nga si Kyle Juliano nihalad sa iyang awit sa kanta nga O Holy Night.
