Nipahinumdom ang Dapartment of Labor and Employment sa mga employer sa pribadong sektor kalabot sa pay rules alang sa Pebrero 8 nga nga special holiday sa Malacañang tungod sa selebrasyon sa Chinese New Year.
Giingon nga kun dili mo-report ang empleyado sa Pebrero. 8, sundon ang “no work, no pay” policy.
Kun motrabaho ang empleyado, may dugang siya nga 30 porsyento sa iyang daily rate sa unang walo ka oras.
Kun mosubra sa walo ka oras, 30 porsyento sa iyang hourly rate ang idugang.
Kun natunong nga rest day sa empleyado sa special holiday ug nisulod kini, dugangan og 50 porsyento ang iyang daily rate sa unang walo ka oras.
Ug kun mosubra sa walo ka oras ang gi-trabaho sa empleyado sa special day nga iya usab nga restday, pagabayaran siya og dugang 30 porsyento sa iyang hourly rate.
