Pormal nang milingkod ang bag-ong Provincial director sa Philippine National Police dinhi sa lalawigan sa Negros Oriental nga si Police Senior Supt. Harris Pama human sa gipahigayong turnover of command didto sa Police Regional Office-18 sa Bacolod City.
Si Police Senior Supt. Pama kanhi OIC Police Provincial Director sa Camarines Sur ug graduate kini sa Philippine Military Academy class 1990.
Samtang, si OIC Police Senior Supt. Dionardo Carlos ang madestino na usab kini sa taas nga posisyon sa Police Regional Office sa Rehiyon- 7
Sa pakighinabi sa mga tigbalita sa kanhi pangulo Negros Oriental Police Provincial Office nga si Police Senior Supt.Dionardo Carlos nga ang kalit nga pagbalhin kaniya gumikan usab preparasyon sa umaabot nga election karong tuiga.
Gipasalamatan usab ni Police Senior Supt. Carlos ang mga opisyalis sa lalawigan sa Negros Oriental sa pagsuporta sa pagdala sa mga sakop sa kapolisan sulod sa pipila ka bulan.
Dugang ni Carlos nga programa nga iyang nasugdan ipadayon kini sa mohulip nga bag-ong pangulo sa kapolisan sa lalawigan.
