Pormal nga gibuksan ang PNP Substation sa Barangayu Cadawinon ning dakbayan sa Dumaguete niadtung adlawng Huwebis, Enero 7.
Ang nasangpit nga PNP substation gipahimutang kini sa Barangay Hall sa Barangay Cadawinonan.
Ang maong pagbukas gitambongan nila ni Mayor Manuel Sagarbarria, OIC PNP Dumaguete Chief Supt. Jovito Atanacio, Supt. Reynold Andot sa PNP Provincial Office, Barangay officials sa Barangay Cadawinonan pinagulohan ni Kapitan Josy Binondo, lakip usab nitambong ang mga stakeholders sa maong barangay.
Nahulma ang maong PNP substation human ang mga barangay opisyales sa Cadawinonan mihangyo ngadto ni Mayor Sagarbarria ug ni OIC Police Chief Supt. Atanacio kinsa nisanong gayud dayon sa hangyo.
Ang maong programa mao kini ang programa ni Police Supt. Atanacio nga quadrant security approach diin ang Cadawinonan barangay hall maoy gigamit nga substation pinaagi sa pagpirma sa Memorandum of Agreement tali sa kapulisan ug sa barangay. Magpabilin gihapon ang mga regular nga kalihukan sa barangay ilabi na sa paggamit sa barangay hall.
Dako usab ang kalipay ni Kapitan Binondo nga adunay na mga sakop sa kapolisan sa iyang lugar aron makatabang sa pagmonitor sa ilang barangay labi na illegas drugs.
Matud ni Mayor Sagarbarria nga nalipay usab siya nga adunay na Police Substation ang maong barangay diin plano usab kini butangan usab ug substation ang pipila ka barangay aron dali ra ma ka respondi ang kapolisan kon dunay mahitabo.
Dugang ni Mayor Sagarbarria nga wala siya maglangang sa hangyo sa mga opisyalis sa Barangay Cadawinonan, kinsa iya dayon gi-awhag ang hepe sa dakbayan nga si Police Supt. Atanacio.
Matud ni Mayor Sagarbarria nga padayon ang iyang suporta sa kapolisan labi na ang bag-ong substation diin ang usa ka sakyanan nga paliton sa dakbayan ang adto kini ihatag sa maong lugara aron ilang magamit.
Panawagan usab ni Mayor Sagarbarria sa mga katawhan sa maong barangay nga suportahan usab ang bag-ong nahulma nga PNP substation.
Unang substation Commander mao si Police Senior Inspector Philip Sellero diin adunay usab 22 ka mga sakop nga maoy mag-atiman sa maong PNP substation.
