Pormal nga gilusad ang labing unang proyekto tali sa Dumaguete ug sister City sa Alameda City pinaagi sa paglusad sa Instacram Puzzle Mobile Game App Development Contest.
Atol sa launching pinaagi sa tele conference tali ni Mayor Manuel Sagarbarria og Alameda Mayor Trish Herrera-Spencer diin kini gipahigayon sulod sa Dumaguete City Session Hall. Nitambong sila si City Administrator William Ablong, NOCCI President Edward Du, Randy Bandiola sa ICT-Dgte,City Councilors Dan Leon, Peter Catan, JV Imbo, Lionel Banogon, Elsie Lee og si City Tourism Officer Woodrow Maquiling.
Samtang didto sa Alameda City kauban nila ni Mayor Spencer si Cynthia Bonta ang Chair sa Alameda Sister City Association, lakip usab si Erick Wonzen IT Expert sa Alameda Original Author ug Instascram Puzzle.
Si City Administrator William Ablong nipasabot nga kining maong proyekto usa ka mobile puzzle contest diin ang mga moapil mokuha ug hulagway sa nagkadaiyang tourist spot dinhi sa dakbayan, lakip usab didto sa Alameda City. Kini himoong puzzle o bungkagon dayon ipatagna kon unsa ang lugar.
Gipasalamatan ni Ablong ang Alameda City og Ang Negros Oriental Chinese Chamber of Commerce, lakip usab ang grupo sa ICT-Dgte og ang dakbayan sa Dumaguete sa pagpahigayon sa maong proyekto.
Samtang, Si Alameda City Mayor Trish Spencer nipadayag usab sa iyang dakong kalipay nga nahimamat pag-usab ang mga opisyals sa Dumaguete pinaagi sa tele conference, lakip sa paghulma sa maong proyekto.
Gipasalamatan usab ni Mayor Spencer ang tanan nga taga Dumaguete sa maayong usab nga pagtagad atol sa ilang pagbisita dinhi sa dakbayan niadtong bulan sa Novembre.
Matud usab ni NOCCI President Edward Du nga global ang labing unang proyekto sa Dumaguete og Alameda City, diin magsilbi sumbanan nga maila pa ang dakbayan sa Dumaguete sa tibuok kalibutan.
Dugang ni Du nga kining maong proyekto makatabang kini sa pagpromote sa tourist spot sa Dumaguete, lakip usab sa Alameda.
Si Dumaguete City Mayor Manuel Sagarbarria nagpasalamat usab nga nahulma ang maong proyekto, diin sinugdanan pa lang kini tali sa Dumaguete og Alameda City.
