Walay bisan usa ka Darohanon ang mipakita og pagsupak sa gisugyot nga katokoran sa usa ka pribadong hospital dinha sa ilang brangay atol sa gipahigayon nga public hearing niadtong niaging Sabado, Pebrero 14.
Ang public hearing gidumala sa barangay og sa City Council isip katumanan sa usa sa pinaka-importanteng rekesito nga mao ang social acceptability.
Dili momenos 20 ka mga doctor dinhi sa Dumaguete nagka-uyon nga mopatindog og dugang hospital tungod sa dako kaayong panginahanglanon.
Ang nahisgutan nga hospital pagahinganlan og Allied Care Experts Medical Center- Dumaguete Doctors Inc., nga gipangulohan ni Dr Jonathan C. Amante.
Samtang,gipaabot sa syudad nga ma-review og ma-aprubahan sa Sangguniang Panlalawigan ang 2013 Dumaguete zoning ordinance, diin tipik sa nahisgutan nga ordinansa nagtugot nga us aka bahin sa high density residential area mahimong tukoran og hospital.
Matud ni Konsehal Nelson Patrimonio, ang nangamahan sa nahisgutan nga ordinansa sa 2001 nga ordinansa, kutob lang sa upat ka andana ang mahimong tukoron dinhang dapita, samtang 6 ka andana ang giplano nga hospital.
Apan kon matuman ang plano nga himoon ug national highway ang nahisgutan nga dapit, pwede na unya ang 6 ka andana nga hospital dinhang dapita.
Mga lomulupyo sa baragay Daro, sa pagpangulo ni Kapitan Rogelio Siglos, nangayo og palyamento sa mga doctors nga nagplanung motukod og pribadong hospital dinha sa purok Kalubihan.
Sugyot ni Kagawad Jovencio Tan, butangan daan og drainage canals ang palibot sa dapit, palapdan og sementohon ang kalsada, apan dili hilabtan ang mga kahoy nga naghatag og kabugnaw sa dapit.
Si Kag. Jose Siglos gustong makaseguro nga luwas ang katawhan gikan sa mga hugaw nga mogawas gikan sa hospital, sama sa gitawag nga pathological wastes.
Gipasalig ni Dr Amante nga striktong sundon niini ang gilatid sa Environmental Compliance Certificate, og Environmental Impact Assessment study, dili momenos P5 milyones nga water og solid waste treatment facility ang ipahimutang.
Mahitungod sa employment, wala mopasalig si Dr Amante nga makasulod sa trabaho ang taga Daro dinha sa nahisgutan nga hospital. Apan, usa kini sa i-consider ilabi kon kwalipikado ang applicante.
