Gisugdan na dakbayan Dumaguete ang pag-apod-apod sa mga white gifts sa mga kabos nga mga lomulopyo sa dakbayan sa Dumaguete. Ang pagpanghatag sa white gifts gipangulohan kini ni Mayor Manuel Sagarbarria sulod sa mga barangay hall sa mga kabarangayan sa dakbayan.
Ang sulod sa white gifts mao ang 2 ka kilo nga bugas, 1 pack nga kape, 2 ka noodles, 2 ka lata nga sardinas ug ½ kilo nga kalamay.
Unang barangay nga gitagaan sa gasa ni mao ang barangay Tinago diin adunay 281 ka buok ang nakadawat sa white gifts.
Gisundan sa barangay Calindagan nga adunay 755 ka buok nakadawat sa gasa, Mangnao adunay 299, Barangay Banilad-583, Bajumpandan-340 og barangay Cantil-e -332.
Matud ni Mayor Manuel Sagarbarria nga sulod sa 6 ka barangay nga ilang natagaan adunay 2 mil kapin kabuok nakadawat,diin mokabat tanan sa 15 mil ang kinatibuk-an nga matagaan nga naglakip sa indigents,senior citizen og PWD’s.
Gipasabot ni Mayor Sagarbarria nga maong gasa para unta kini sa bulan sa Disyembre nga magsilbi pamasko apan gumikan sa kadugay sa proseso hinungdan nga nadilatar.
Dugang mi Mayor Sagarbarria nga manghinaot siya nga matiwas na ang pag repack sa mga gasa aron mahuman karong bulana sa paghatud sa mga kabarangayan.
Kauban ni Mayor Sagarbarria sa pag-apod-apod sa sa mga pinutos sila si Konsehal Franklin Esmena, Peter Catan, Dan Leon,Nelson Patrimonio,Kapitan Chaco Sagarbarria, Mr. Leovigildo Loloy Elmaco kauban ang mga staff sa City Social Welfare Office pinangulohan ni Carola Alquero.
Ang pangpahatag og White Gifts ang gi-usab ni Mayor Manuel Sagarbarria diin niadtong nanglabay mga administrasyon didto kini sa building 2 Dumaguete Public Market, apan nakita ni Mayor Sagarbarria kon adto sa merkado publiko dako kayo og kahasol sa mga modawat.
Hinungdan nga gi-usab ni Mayor Sagarbarria ang mga pamaagi sulod sa iyang administrasyon, diin siya mismo ang mohatud sa mga gasa ngadto sa mga kabarangayan.
Dako usab ang kalipay sa mga barangay opisyals ang gihimo ni Mayor Sagarbarria nga siya mismo ang nangunay paghayud sa mga White Gifts sa tanan barangay hall.
